A.

A lege Moysi usque ad destructionem Troye 330 anni; a destructione Troye usque ad edificationem templi Jerusalem 140 anni; ab edificatione templi usque ad edificationem Rome 280 anni; ab edificatione Rome usque ad destructionem templi 140 anni; a destructione templi usque ad destructionem Babilonie 70 anni; a Dario rege post destructionem Babilonie usque ad incarnationem Domini 500 anni.

Ab incarnatione Domini 1099 dux Burgundie Gothfridus Jerusalem expungnavit, et Christiani habuerunt annis 87. Post hec Salatym rex Babilonie requisivit. Post hec rex Anglie et dux Austrie requisierunt.

Item anno 1291 Soldanus destruxit Occaron.

Anno Domini 1115 Henricus imperator pungnavit in Welfesholz.

Item a 1177 nobiles submersi sunt Erfordie in stercore.

Item 1190 eclipsis solis fuit in vigilia Johannis baptiste. Eodem anno Fredericus imperator submersus trans mare, pater Henrici et Philippi. Heynricus fuit pater Frederici excommunicati imperatoris.

Item 1201 sancta Kunegundis translata est.

Item 1209 Philippus rex occiditur et Otto de Brunswic eligitur. Eodem anno incepit ordo fratrum minorum.

Item 1210 Fredericus imperator eligitur ab Honorio tercio.

Item 1236 sancta Elizabeth translata est. Eodem anno Fredericus imperator habuit curiam Maguntie et Henricum filium suum captivavit.

Item 1237 Fredericus imperator a Gregorio excommunicatur.

Item 1243 Innocentius IV deposuit Fredericum imperatorem.

Item 1246 Henricus lantgravius vicit Cunradum filium Frederici imperatoris in Franckenfort.

Item 1264 Theodericus marchio vicit Saxones.

Item 1278 rex Bohemie occiditur.

Item 1290 Inclitus ac nobilis dux Henricus Wratislawiensis moritur in vigilia Johannis baptiste.

Item 1305 rex Bohemie Wentzeslaus moritur et in Aula regis in sua fundatione sepelitur.